سرمایہ کاری خراب کرݨ کیتے بھارت بلوچستان جھیں واقعات کرویندا پئے، اداریاں تے ڳالھیں کرݨ آلے بھارتی بیانیئے کوں ٹریندے پین، وزیر خارجہ مخدوم شاہ محمود قریشی

ملتان۔4جنوری(اے پی پی)وزیر خارجہ مخدوم شاہ محمود قریشی آکھیے جو بہاولپور اچ پی ڈی ایم شو کیتے جیندے اچ پاور ناں کوں کائنا ہئی، اوکوں میں پاور شو کیویں آکھاں؟ مریم صاحبہ آکھیے جو جنوبی پنجاب کوں محروم رکھیا  ڳئے، پچھݨا اے ہے جو ہݨ تئیں پنجاب اچ کیندی حکومت ہئی، کوں ہا جیڑھا جنوبی پنجاب دے فنڈ کتھائیں ٻئی جاہ تے لا ݙتن، اے نعرہ کݙاں سݨیندا ہا جو “اساں قیدی تخت لاہور دے”۔ ہک بیان اچ انہاں آکھیا جو تحریک انصاف دی حکومت صرف ڈھائی سال اچ جنوبی پنجاب دے رنگ وٹا ڈتن، انجھ سیکرٹریٹ ڈتن، خصوصی فنڈز رکھین جیندے نال بھارتی بیانیے کوں اڳو تے ٹورݨ آلے ملک و قوم دی کیڑھی خدمت کریندے پین، اپوزیشن کوں پتا ہووݨا چاہیدے جو بھارت، پاکستان اچ دہشتگردی دی کنݙھ تھپیندا پئے، بلوچستان اچ مزدوراں دے قتل دا واقعہ افسوسبناک اے، ہندوستان ہائبرڈ وار فیئر نال اینجھے واقعات کرویندا پئے تاں جو لوک بددل تھیون اتے پاکستان اچ اوݨ آلی سرمایہ کاری رکے، اینجھے حالات اچ اپوزیشن ریاست مخالف بیانیے توں بچے تاں چنقاں ہوسی۔ انہاں آکھیا جو پاکستان دی چنڳی سفارتی پالیسی پاروں ہندوستان جڳ اچ ہر ڄاہ تے گندا تھیندا پئے۔ ساݙا مطالبہ اے جو اقوام متحدہ اتے عالمی ادارے کشمیر اچ کمیشن آف انکوائری نال زمینی حقائق کیتے شفاف و غیر جانبدارانہ تحقیقات کراوے۔