وزیرِ اعظم عمران خان  نال وزیرِ صحت  پنجاب  ڈاکٹر یاسمین راشد دی ملاقات، معاون خصوصی ڈاکٹر فیصل سلطان وی موجود

اسلام آباد۔4جنوری(اے پی پی)وزیرِ اعظم عمران خان آکھیے جو بنیادی صحت دی سستی سہولیات دی ہر شہری تئیں رسائی حکومت دی اولین ترجیح اے، حکومت سرکاری ہسپتالاں اچ نظام دی بہتری دے نال نال نجی ہسپتالاں کوں سستی زمین ݙیندی پئی اے تاں جو غریب گھراں اچ کوئی وی علاج توں محروم نہ رہوے ۔اے ڳالھ انہاں پنجاب دی وزیرِ صحت  ڈاکٹر یاسمین راشد نال ملݨ ویلھے آکھی۔ ایں موقعے تے معاون خصوصی صحت داکتر فیصل سلطان وی موجود ہن۔ صوبائی وزیر ڈاکٹر یاسمین راشد پنجاب دے ݙو کروڑ 22 لکھ خانداناں کوں ہیلتھ کارڈ دی پیش رفت ݙسائی جو پنجاب دے 100 فی صد خانداناں کوں سال دے اندرو ہر خاندان ست لکھ 20ہزار دے ہیلتھ کارڈ ݙے ݙتے ویسن۔جون تئیں پنجاب دی 45 فیصد آبادی جیندے اچ ساہیوال اتے ڈیرہ غازی خان ڈویژن دے ست اضلاع ہین، کوں ہیلتھ کارڈ مل ویسن باقی ضلعیاں اچ دسمبر 2021 تئیں اے کم تھی ویسی۔