اقوام متحدہ کشمیریاں دے حق خودارادیت کیتے منظور قرارداداں تے عملدرآمد کراوے،وفاقی وزیر امور کشمیر و گلگت بلتستان علی امین خان گنڈاپور

اسلام آباد۔5جنوری(اے پی پی)وفاقی وزیر امور کشمیر و گلگت بلتستان علی امین خان گنڈاپور آکھیے جو اقوام متحدہ کشمیریاں دے حق خودارادیت کیتے منظور قرارداداں تے عملدرآمد کراوے،حق خودارادیت کیتے ہزاراں کشمیری اپݨیاں جاناں قربان کر چکین، بھارت آپ اے مسلہ اقوامِ متحدہ دے فورم ڳھن ڳیا ہا۔ ہک سنیہے اچ انہاں آکھیے جو بھارت مقبوضہ کشمیر اچ اقوام متحدہ دی قرارداداں دی دھجیاں اݙیندا پئے، اگست2019 دے بھارتی اقدامات دا مقصد مقبوضہ کشمیر دی ڈیموگرافی وٹاوݨ اے، شکمری دے حوالے نال بھارت دا رویہ پورے جق تے بے نقاب تھی چکے، پاکستان اچ دہشتگردی دے پچھو بھارت دا ہتھ ہووݨ وی لکیا نئیں ریہا، جیندے ثبوت وی پاکستان اقوام متحدہ کوں ݙتن، اقوام متحدہ ہندو انتہا پسند اقدامات روکݨ کیتے بھارت دے خلاف فوری کارروائی کرے۔