اسلام آباد۔5جنوری(اے پی پی)وزیرخارجہ مخدوم شاہ محمود قریشی آکھیے جو اقوام متحدہ اتے سلامتی کونسل کشمیریاں دا حق خود ارادیت ݙیواوݨ کیتے وعدہ نبھاوے،پاکستان استصواب رائے دے ناقابل تنسیخ حق ملݨ تئیں کشمیریاں دی بھرپور حمایت جاری رکھیسی۔ ہک سنیہے اچ انہاں آکھیا جو اڄ پورے ڄڳ اچ کشمیری اقوام متحدہ دے وعدے دے پورے تھیوݨ دی تانڳھ اچ باھتر سال لنڳھݨ دا ݙینھ منیندے پین جیندے اچ اقوام متحدہ کشمیریاں دے ناقابل تنسیخ حق استصواب رائے کیتے اپݨی حمایت دی توثیق کیتی ہئی بھل ست ݙھاکیاں توں کشمیریاں کوں اے حق نئیں ݙتا ڳیا اتے بھارت وی کھل تے اے حق ݙیوݨ توں مکریا ہوئے۔ بھارت کرونا دے باوجود کشمیریاں دے حقوق سلب کر ݙتن، بھارت کشمیر دا رتبہ قھٹاوݨ کیتے غیر قانونی اقدامات کریندا پئے، عالمی برادری بھارتی اقدامات دا نوٹس ڳھنے۔
