تعلیمی ادارے کھلݨ دے بعد والدین لازمی ٻالاں کوں ایس او پیز نال سکول بھیجن، وفاقی وزیر تعلیم و پیشہ ورانہ تربیت شفقت محمود

اسلام آباد۔5جنوری(اے پی پی)وفاقی وزیر تعلیم و پیشہ ورانہ تربیت شفقت محمود والدین کوں آکھیے جو تعلیمی ادارے کھلݨ آلے ہین، او اپݨے بالاں کوں ماسک اتے ایس او پیز نال سکول یا اپݨے تعلیمی ادارے بھیجن تاں جو ایں وبا توں بثیا ونڄ سڳے، استاداں اتے ٻالاں کیتے ماسک پاوݨ لازمی ہوسی، ایں سانڳے ودھ احتیاط دی لوڑھ اے، چھوٹے ٻالاں تے خصوصی توجہ ݙتی ونڄے ڄݙاں جو طلبہ کوں بیمار تھیوݨ تے طبی بنیاداں تے رخصت ݙتی ویسی۔ نجی ٹی وی چینل نال الویندے انہاں آکھیا جو تعلیمی اداریاں اچ کرونا ایس او پیز تے عمل یقینی بݨایا ویسی، اساتذہ اتے سربراہان ایس او پیز کیتے کردارادا کرن۔ انہاں آکھیے جو کرونا پاروں ٻالاں دا جتلا تعلیمینقصان تھئے اوکوں پورا کرݨ کیتے جو کجھ تھیا کریسوں،طلبہ دے سکھݨ دی صلاحیت ݙیندے ہوئے، سکولاں کوں ہدایت ݙتی ویسی ویسی جو او محنت کرن، امید اے آندے سال توں تعلیمی ادارے معمول دے مطابق کم کرݨ شروع تھیسن۔