جامع منصوبہ بندی نال اینجھا نظام ڳھن آیا ونڄے جیندے نال مستحقین تئیں رسائی سوکھی تھیوے، وزیراعظم عمران خان دی احساس ’’کوئی بھکا نہ سمے‘‘ اقدامات تے بریفنگ  اجلاس اچ ہدایت

اسلام آباد۔6جنوری(اے پی پی)وزیراعظم عمران خان مستحق لوکاں کوں کھاوݨ ݙیوݨ دی تجاویز دی تعریف کریندے آکھیے جو جامع منصوبہ بندی نال اینجھا نظام ڳھن آیا ونڄے جیندے نال مستحقین تئیں رسائی سوکھی تھیوے۔اے ڳالھ انہاں احساس ’’کوئی بھکا نہ سمے‘‘ اقدامات تے بریفنگ  اجلاس اچ ہدایت ݙیندے کیتی۔انہاں آکھیے جو اے پروگرام کامیابی دے بعد نہ صرف پاکستان بھل پورے ڄڳ اچ اپݨی مثال آپ ہوسی۔ ایں موقع تے وزیراعظم دی معاونِ خصوصی برائے تخفیفِ غربت و سماجی تحفظ ڈاکٹر ثانیہ نشتر منصوبے تے تفصیلی بریفنگ ݙتی اتے وزیرِ اعظم کوں احساس ڈونر مینجمنٹ سسٹم دا وی ݙسایا۔ وزیراعظم آکھیے جو اینجھے علاقیاں تے ودھ توجہ ݙتی ونڄے جتھاں مستحق اتے ودھ غریب لوک ہوون اتے او ݙو ویلھے دے ٹکر توں نہ رہ ونڄن۔