ہزارہ برادری کوں انہاں دے ݙکھاں دا ازالہ کرݨ دا یقین ڈویندے ہیں، وزیر اعظم عمران خان

اسلام آباد۔6 جنوری(اے پی پی)وزیر اعظم عمران خان آکھیے جو ہزارہ برادری کوں یقین ݙیویندے ہیں جو انہاں دے ݙکھاں دا ازالہ کریسوں، حکومت اگو تے اینجھے حملے روکݨ کیتے کم کریندی پئی اے، سوگوار ٹبراں کوں پرچاوݨی اتے دعا کیتے تیکھے حاڄر تھیساں۔ ہک ٹویٹ اچ وزیرا عظم آکھیے جو او مچھ اچ دہشتگردی واقعے اچ شہید تھیوݨ آلے ٹبراں خاص کر ہزارہ برادری دے مطالبات سمجھدن، ڄاݨدے ہیں جو ہمسایہ ملک فرقہ وارانہ دہشت گردی کھنݙاوݨ چاہندے، بھل اوندی کوئی سازش کامیاب نہ تھیسی۔ وزیراعظم آکھیا جو سوگوار ٹبراں دے غم اچ نال ہیں، تیکھے پرچاوݨی ݙیوݨ آساں، کݙاھیں عوام دا اعتماد نہ ترڑیساں۔ انہاں اپیل کیتی جو شہیداں دے ورثا اپݨے پیاراں کوں دفناون تاں جو انہاں دی روح کوں سکون ملے۔