برصغیر اچ مسلماناں دا اقتدار سنہری دور ہا، ایندے تے فلم اتے ڈرامہ بݨا تے پرو پیگنڈا کرݨ آلیاں کوں ناکام کیتا ونڄے، وزیرِ اعظم عمران خان دی ترک ڈرامہ سیریل ارتغرل دی ٹیم نال ڳالھ مہاڑ

اسلام آباد۔7جنوری(اے پی پی)وزیرِ اعظم عمران خان ترک ڈرامے ارتغرل غازی دی تعریف کریندے آکھیے جو برصغیر اچ مسلماناں دا اقتدار سنہری دور ہا، ایندے تے فلم اتے ڈرامہ بݨا تے پرو پیگنڈا کرݨ آلیاں کوں ناکام کیتا ونڄے۔ اے ڳالھ انہاں کمال تیکدین دی اڳواݨی اچ ترک ڈرامہ سیریل ارتغرل دی بانی ٹیم نال ملݨ ویلھے آکھی۔ انہاں ترکی اتے پاکستان دے تعاون نال تحریکِ خلافت دے برصغیر نال تعلق رکھݨ آلے مشہور کردار ترک لالہ تے مجوزہ ٹیلی ویژن سیریز تے وی الایا۔ کمال تیکدین وزیرِ اعظم دا پاکستان اچ ترک ڈرامے چلاوݨ اتے پذیرائی تے شکریہ ادا کیتا۔ انہاں آکھیا جو ہر سال 30 جون کوں ترکی اچ ترک لالہ دے احترام اچ قومی ݙینھ منایا ویندے، ترک لالہ تے بݨݨ آلی ٹیلی ویژن سیریز نہ صرف تحریکِ خلافت بارے نوجواناں کوں آڳاہی ݙیسی بھل ترکی اتے پاکستان دے تعلقات کیتے وی اہم ثابت تھیسی۔ وزیر اعظم آکھیا جو پاکستانی ڈرامے 80 دے ڈھاکے اچ اپݨی سنڄاݨ رکھدے ہن، پاکستانی فلم اتے ڈرامہ انڈسٹری کوں مقامی ثقافت دے ودھارے کیتے ودھ کم کرݨ دی لوڑھ اے تاں جو معاشرتی برائیاں توں بچ سڳوں۔