کورونا دے چیلنج پاروں پاکستان دی معیشت بحالی آلے پاسے ٹُر پئی اے، صدر مملکت ڈاکٹر عارف علوی دی تاجراں دے وفد نال ڳالھ مہاڑ

اسلام آباد۔11جنوری (اے پی پی) صدر مملکت ڈاکٹر عارف علوی آکھیا جو کورونا دے چیلنج پاروں پاکستان دی معیشت بحالی آلے پاسے ٹُر پئی اے۔ حکومت کاروباری طبقے دے مسئلے بارے جاݨدی اے اتے کاروبار دوست ماحول ݙیوݨ سانڳے کم کریندی پئی اے۔ او تاجراں دے ہک وفد نال ڳالھ کریندے پئے ہن جنہاں سنوار کوں اتھاں حاجی طاہر نوید دی سربراہی اچ انہاں نال ملاقات کیتی۔ صدر مملکت آکھیا جو حکومت کورونا دی وبا اچ کاروباری طبقے اتے کمزور طبقے سانڳے 1.2 کھرب دا معاشی پیکیج ݙتے۔ اڄوکی حکومت کاروباری طبقے دے مسئلیاں بارے جاݨدی اے اتے کاروبار دوست ماحول ݙیوݨ سانڳے کم کریندی پئی اے۔ ایں موقع تے تجارتی وفد حکومتی کاروبار دوست پالیسیاں اتے کورونا وچال ریلیف پیکیج دی تعریف کیتی۔