چووی گھنٹیاں اچ کورونا وائرس دے 2408 کیس، 41 اموات رپورٹ، ساریاں توں ودھ اموات پنجاب دے بعد خیبر پختونخواہ اچ ریکارڈ کیتی ڳئی، این سی او سی

اسلام آباد۔12جنوری (اے پی پی) گزریل چووی گھنٹیاں اچ کورونا وائرس دے 2408 کیس، 41 اموات رپورٹ، ساریاں توں ودھ اموات پنجاب دے بعد خیبر پختونخواہ اچ ریکارڈ کیتی ڳئی۔ نیشنل کمانڈ اینڈ آپریشن سینٹر ولوں جاری اعدادوشمار دے مطابق گزریل چووی گھنٹیاں اچ پورے ملک اچ 2 ہزار 408 لوکاں دے کووڈ۔ 19 ٹیسٹ مثبت آئن اتے 41 بندے ایں وائرس نال ہلاک تھین ۔ گزریل چووی گھنٹیاں اچ کورونا دے 40 ہزار 88 ٹیسٹ کیتے ڳئن جنہاں اچوں سندھ اچ 14 ہزار 137, پنجاب اچ 14 ہزار 499, خیبرپختونخوا اچ 5 ہزار 1, اسلام آباد اچ 5 ہزار 277, بلوچستان اچ 574,گلگت بلتستان اچ 367, آزاد کشمیر اچ 233 ٹیسٹ شامل ہن۔ ہݨ تئیں ملک اچ کورونا توں ٹھیک تھیوݨ آلیاں دی تعداد چار لکھ 61 ہزار 977 تھی ڳئی اے۔