وفاقی کابینہ آڈیٹر جنرل آف پاکستان دے ادارہ کوں ٻیا بااختیار بݨاوݨ، خود مختار اتے شفاف بݨاوݨ سانڳے قانونی ترامیم، سندھ اچ ضمنی انتخابات اچ رینجرز لاوݨ سودھے 15 نکاتی ایجنڈے دی منظوری ݙے ݙتی اے، وفاقی وزیر اطلاعات تے نشریات شبلی فراز دی میڈیا بریفنگ

اسلام آباد۔12جنوری(اے پی پی) وفاقی کابینہ آڈیٹر جنرل آف پاکستان پاکستان دے ادارہ کوں ٻیا بااختیار بݨاوݨ، خود مختار اتے شفاف بݨاوݨ سانڳے قانونی ترامیم، سندھ اچ ضمنی انتخابات اچ رینجرز لاوݨ سودھے 15 نکاتی ایجنڈے دی منظوری ݙے ݙتی اے۔ کابینہ اسلام آباد اچ جاں بحق تھیوݨ آلے نینگر اسامہ ستی دے والدین کوں قانونی کاروائی اتے انصاف ݙیوݨ دا یقین ݙوایا۔ کابینہ گمشدہ لوکاں بارے تشویش کیتی اتے انہاں گمشدگیاں دے خاتمے سانڳے قانون بݨاوݨ دی ہدایت کیتی۔ منگل کوں وفاقی وزیراطلاعات تے نشریات سینیٹر شبلی فراز وزیراعظم عمران خان دی صدارت اچ وفاقی کابینہ دے اجلاس دے بعد تھیوݨ آلے فیصلیاں بارے بریفنگ ݙیندیں ہوئیں آکھیا جو وفاقی کابینہ آڈیٹر جنرل آف پاکستان دے ادارہ کوں ٻیا بااختیار بݨاوݨ، خود مختار اتے شفاف بݨاوݨ سانڳے قانونی ترامیم، سندھ اچ ضمنی انتخابات اچ رینجرز لاوݨ سودھے 15 نکاتی ایجنڈے دی منظوری ݙے ݙتی اے۔مشیر برائے ادارہ جاتی اصلاحات ڈاکٹر عشرت حسین کابینہ کوں ݙسیا جو وفاقی حکومت دے سو توں ودھ ادارے بند یا ݙوجھے اداریاں دے نال ضم کر ݙتے ڳئن تانجو حکومت تے مالی بوجھ ڳھٹ کیتا ونڄ سڳے اتے کارکردگی بہتر کیتی ونڄے۔ کابینہ لیگل ایڈ اینڈ جسٹس اتھارٹی ایکٹ 2020ء دے تحت ڈائریکٹر جنرل دی تعیناتی دی شرائط منظور کیتن۔ کابینہ قومی طب کونسل اچ ممبراں دے انتخابات اتے ایڈمنسٹریٹر تعینات کرݨ دی منظوری ݙتی اے۔ کابینہ وزارت ریلوے دی نوشہرہ اچ تعمیرات کرݨ دا معاملہ کمیٹی دے حوالے کر ݙتے۔ کابینہ پاکستان کونسل برائے سائنس تے ٹیکنالوجی دے بورڈ آف گورنرزتشکیل ݙیوݨ دی منظوری ݙتی اے۔ ۔کابینہ یوٹیلٹی سٹورز کارپوریشن دے بورڈ آف ڈائریکٹرز دی تنظیم نو کرݨ دی منظوری ݙتی۔ ہک سوال دے جواب اچ وفاقی وزیر آکھیا جو براڈ شیٹ ‘ سکینڈل2000توں شروع تھیا‘مسلم لیگ ن اتے پی پی کوں این آر او ݙیوݨ دے بعد اے انکوائری سرد خانے اچ چلی ڳئی،