کورونا وائرس دے 1920 کیس ، 46 اموات رپورٹ ، نیشنل کمانڈ اینڈ آپریشن سینٹر

اسلام آباد۔18جنوری  (اے پی پی):گزریل چووی گھنٹے اچ کورونا وائرس پاروں پنجاب دے بعد سندھ اچ ساریں توں ودھ اموارت ریکارڈ کیتیاں ڳئن،۔پورے ملک اچ گزریل چووی گھنٹے اچ کورونا وائرس توں 46 اموات تھیاں جیں اچوں 30 اموات وینٹیلیٹرز تے موجود مریضاں دیاں ہن ۔نیشنل کمانڈ اینڈ آپریشن سینٹر ولوں جاری اعدادو شمار دے مطابق گزریل 24 گھنٹے اچ پورے ملک اچ 1 ہزار 920لوکاں دے کووڈ۔ 19 ٹیسٹ مثبت آئے اتے 46 لوک وائرس توں جاں بحق تھی ڳئن جیں اچوں 39 بندے ہسپتالاں اچ جݙاں جو ہک مریض گھر اچ قرنطینہ دے دوران جاں بحق تھیا ۔ملک دے 4 وݙے شہراں اچ وینٹیلیٹرز تے کووڈ۔ 19  دے مریضاں دے تناسب دے لحاظ نال ملتان اچ 49 فیصد،لاہور اچ 36 فیصد،بہاولپوراچ  55 فیصد اتے اسلام آباد اچ 31 فیصد مریض ہن ۔