بھارت اپݨے داخلی معاملات توں توجہ ہٹاوݨ کیتے پورے خطے دے امن کوں خراب کرݨ تے تلیا کھڑے ، وزیر خارجہ مخدوم شاہ محمود قریشی

اسلام آباد۔18جنوری  (اے پی پی):وزیر خارجہ مخدوم شاہ محمود قریشی آکھیے جو اساں پہلے ہی واضح کرݙتا ہئی جو بھارت پلوامہ حملےدی آڑ اچ  کوئی چال چل سڳدے ،بالآخر بھارت دی اوسازش بے نقاب تھی ڳئی اے ،بھارت اپݨے سیاسی مقاصد اتے اپݨے داخلی معاملات توں توجہ ہٹاوݨ کیتے پورے خطے دے امن کوں خراب کرݨ چاہندے ۔ سنوار کوں بھارتی سازش بے نقاب تھیوݨ دے حوالے نال ہک اہم بیان اچ وزیر خارجہ آکھیے جو پلوامہ واقعہ دے حوالے نال میݙے بیانات آن ریکارڈ ہن،اساں واضح کیتا ہئی جو پلوامہ، بھارت ولوں ہک فالس فلیگ آپریشن اے تے ایندی آڑ اچ بھارت کوئی چال چل سڳدے ۔آخر کار بھارت دی اوسازش بے نقاب تھی ڳئی اے ۔ مودی سرکار الیکشن جتݨ کیتے اپݨے ہی 40 فوجیاں دی جان گھن ڳھدی ۔انہاں 40 فوجیاں دی ہلاکت تے ݙکھی نی تھیندے بلکہ ایندے منظور نظر اینکر خوشی دا اظہار کریندے ہوئیں اکھیندن جو اے مودی دی جت کیتے زبردست چال ثابت تھیسی۔وزیر خارجہ آکھیے جو بھارتی حکمراں اپݨے سیاسی مقاصد اتے اپݨے داخلی معاملات توں توجہ ہٹاوݨ کیتے پورے خطے دے امن کوں خراب کرݨ تے تلیے ہوئے ہن ، اساں خطے اچ امن و استحکام چاہندوں جݙاں جو بھارت ہندوتوا سوچ دے بدامنی چاہندن ۔ا نہاں آکھیے جو بھارت افغانستاناچ ہک سپائیلر دا کردار ادا کریندا کھڑے ۔تاریخ شاہد اے جو 26 فروری کوں جݙاں انہاں پاکستان تے حملہ آور تھیوݨ دی کوشش کیتی تاں اساں صبر کیتا تے جذبہ خیر سگالی دے تحت انہاں دا گرفتار شدہ پائلٹ واپس کر ݙتا ۔14 نومبر کوں اساں بھارت دی ریاستی دہشت گردی اتے بھارت ولوں دہشتگرداں دی پشت پناہی دے ناقابل تردید ثبوت دنیا دے سامݨے رکھیے۔ای یو ڈس انفولیب دے چشم کشا انکشافات بھارت دے ناپاک عزائم دی قلعی کھول ݙتی اے ۔