ٻالاں کوں ما دا کھیر پلاوݨ دی مہم کوں مزید موثر بݨاوݨ دی لوڑھ اے ، ڈاکٹر فیصل سلطان

اسلام آباد۔18جنوری  (اے پی پی):وزیراعظم دے معاون خصوصی صحت ڈاکٹر فیصل سلطان آکھیے جو ٻالاں کوں ما دا کھیر پلاوݨ دی مہم کوں مزید موثر بݨاوݨ دی لوڑھ اے ، ٻالاں کوں ما دا کھیر پلاوݨ نال شرح اموات گھٹ تھیسی ۔ اے ڳالھ انہاں سنوار کوں اتھاں سیمینار نال خطاب کریندیں آکھی اے ۔ انہاں آکھیے جو قرآن پاک اچ ٻالاں کوں ݙو توں ڈھائی سال تئیں ما دا کھیر پلاوں دی تاکید کیتی ڳی اے ،سائنسی لحاظ نال ٻالاں دی نشوونما دا بہترین دور اے، ملک اچ 48 فیصد ٻالاں کوں ماں دا کھیر پلایا ویندے، اے شرح پہلے 38 فیصد ہئی۔ انہاں آکھیے جو پنج سال توں گھٹ عمر ٻالاں دی اموات دی ہک وݙی وجہ زچہ و بچہ اچ غذائی قلت اے، ما دا کھیر نہ پیوݨ آضے ٻالاں اچ نمونیا توں اموات دا خطرہ 15 فیصد ودھ جݙاں جو ہیضہ توں 11 گنا ودھ ہوندے ، ٻالاں کوں ما دا کھیر پلا تے 8 لکھ موت کوں روکیا ونڄ سڳدے ، ایں حوالے نال قانون سازی وی اہمیت رکھیندی اے ۔