ویکسین دی تیاری دے بعد پہلے مرحلے اچ 3 لکھ توں ودھ فرنٹ لائن کارکناں کوں ݙتی ویسی ،پارلیمانی سیکرٹری ڈاکٹر نوشین حامد  دا انٹرویو

اسلام آباد۔19جنوری  (اے پی پی):پارلیمانی سیکرٹری وزارت قومی صحت  ڈاکٹر نوشین حامد آکھیے جو ویکسین دے ٹرائلزچھیکڑی مرحلے وچ ہن ، ویکسین دی تیاری دے بعد پہلے مرحلے اچ 3 لکھ توں ودھ فرنٹ لائن کارکناں کوں ݙتی ویسی جیڑھی جوج فروری دے چھیکڑ توں شروع تھی ویسی ۔اپݨے ہک انٹرویواچ انہاں آکھیے جو حکومت کوویڈ 19 ویکسین تیار کرݨ آلی ترائے بین الاقوامی کمپنیاں نال رابطے اچ ہے ۔مزید آکھیے جو پہلے مرحلےاچ ݙو قسماں دے لوکاں کوں اے ویکسین پلائی ویسی جیں اچ فرنٹ لائن ہیلتھ کیئر ورکرز اتے 65 سال توں ودھ عمر دے لوک شامل ہن ۔ انہاں یقین ݙیوائے جو کورونا وائرس دے خلاف ہک ’’محفوظ اتے موثر‘‘ویکسین وختی پاکستان اچ دستیاب ہوسی۔انہاں آکھیے جو چین اتے روس دے مشترکہ طور تے تیار کیتی ونڄݨ آلی کووڈ۔19 ویکسین دی تیاری چھیکڑی مرحلے اچ داخل تھی ڳی اے ۔انھاں وضاحت کیتی جو کورونا ویکسینیشن ٹریننگ پروگرام دا مقصد صحت متعلق کارکناں کوں مناسب تربیت اتے مہارت مہیا کرݨ اے ، جیڑھے جو کورونا ویکسینیشن مہم اچ شامل ہوسن ۔