اسلام آباد۔22جنوری(اے پی پی)وزیر مملکت پارلیمانی امور علی محمد خان آکھیے جو گزریل ݙو مہینے وچ قومی اسمبلی دا اجلاس سݙݨ کیتے اپوزیشن تعاون نی کیتا‘ اساں اپݨا قبلہ سدھا کریسوں‘ اپوزیشن اپݨا قبلہ سدھا کرے ۔ جمعہ کوں قومی اسمبلی اچ نکتہ اعتراض تے احسن اقبال آکھیا جو اے ملک دا اعلیٰ ترین ایوان اے۔ اے ٻئے اداریاں کیتے مثال دی حیثیت رکھدے۔ یونین کونسل دے اجلاس توں …
گزریل ݙو مہینے اچ قومی اسمبلی دا اجلاس سݙݨ کیتے اپوزیشن تعاون نی کیتا‘ اساں اپݨا قبلہ سدھا کریسوں‘ اپوزیشن اپݨا قبلہ سدھا کرے، علی محمد خان
اسلام آباد۔22جنوری(اے پی پی)وزیر مملکت پارلیمانی امور علی محمد خان آکھیے جو گزریل ݙو مہینے وچ قومی اسمبلی دا اجلاس سݙݨ کیتے اپوزیشن تعاون نی کیتا‘ اساں اپݨا قبلہ سدھا کریسوں‘ اپوزیشن اپݨا قبلہ سدھا کرے ۔ جمعہ کوں قومی اسمبلی اچ نکتہ اعتراض تے احسن اقبال آکھیا جو اے ملک دا اعلیٰ ترین ایوان اے۔ اے ٻئے اداریاں کیتے مثال دی حیثیت رکھدے۔ یونین کونسل دے اجلاس توں پہلے وی 72 گھنٹے دا نوٹس ݙتا ویندے ۔ گزریل رات اٹھ وڄے تئیں ساکوں پتہ نہ ہا جو قومی اسمبلی دا اجلاس تھیوݨے۔ ایندے شیڈول اتے کارروائی دی حرمت ہووݨی چاہیدی اے۔ سید نوید قمر احسن اقبال دے نکتہ نظر نال اتفاق کریندے ہوئے آکھیا جو 12 گھنٹے توں گھٹ نوٹس تے اجلاس سݙیا ڳئے آخر کیا ایمرجنسی ہئی۔ ساکوں انہاں ڳالھیں توں بچݨاں چاہیدے ،ایندے نال ایوان دا وقار ڳھٹدے۔ وزیر مملکت پارلیمانی امور علی محمد خان مسلم لیگ (ن) اتے پیپلز پارٹی دے ارکان ولوں چاتے ڳئے نکتے دا جواب ݙیندے ہوئے آکھیا جو احسن اقبال مناسب ڳالھ کیتی اے تانڄو غیر ضروری طور تے پوائنٹ سکورنگ توں وی بچݨاں چاہیدے۔
