سعودی عرب اچ گزریل پنج سال اچ حادثیں اچ 15ہزار294 پاکستانی جاں بحق تھئن، وزارت خارجہ

اسلام آباد۔24جنوری  (اے پی پی):گزریل پنج سال دے عرصے اچ صرف سعودی عرب اچ 15 ہزار294 پاکستانی حادثیں اچ جاں بحق تھئن جݙاں جو دیت  دی مد اچ 1 کروڑ 89 لکھ سعودی ریال وصول تھئے ۔وزارت خارجہ دی دستاویز دے مطابق سال2015توں 2020 تئیں سعودی عرب اچ مختلف حادثیں اچ 15 ہزار 294 پاکستانی تارکین وطن جان توں ڳئن ۔سعودی قانون دے مطابق ورثا 3  لکھ سعودی ریال دیت دی رقم دا استحقاق رکھدن ۔سعودی عرب اچ پاکستانی مشن دی کاوش نال انہاں حادثیں اچ جاں بحق لوکاں دے وارثاں کیتے ہک کروڑ 89 لکھ سعودی ریال وصول کیتے ڳئن۔