ساہیوال۔29جنوری(اے پی پی)وزیر اعظم عمران خان قبضہ گروپاں دے خلاف کارروائی تے پنجاب حکومت کوں مبارکباد ݙیندے آکھیے جو وزیراعلیٰ پنجاب قبضے ختم کراتے جہاد کیتے، قانون دی بالادستی نال خوشحالی آندی اے، وݙے وݙے ڈاکوواں تے ہتھ پاوݨ تبدیلی اے، ہݨ کوئی وݙا ڈاکو اے نئیں آکھ سڳدا جو این آر او ݙیو نئیں تاں حکومت ݙھوا ݙیسوں، پنجاب دے عوام کوں ہیلتھ اتے انشورنس دی سہولت ݙتی ویسی، صحت دے علاوہ تعلیم دے سرکاری شعبیاں کوں چنڳا بݨایا ویسی، اڄوکے سال بلدیاتی الیکشن تھیسن جیندے نال مقامی سطح تے مسائل حل تھیسن ، ساہیوال اچ انڈسٹریل اسٹیٹ بݨائی ویسی، مقامی طور تے تیار کیتے ڳئے سیوریج ٹریٹمنٹ پلانٹس لائے ویسن ، زرعی شعبہ اچ جدید ٹیکنالوجی متعارف کراوئی ویسی ۔اے ڳالھ انہاں ساہیوال اچ احساس اتے کامیاب جوان پروگرام موڄٻ چیک ونݙݨ دی تقریب نال خطاب اچ آکھی۔ وزیراعظم آکھیے جو اساں ہر ڈویژن اچ ویسوں اتے واری واری انہاں علاقیاں کوں چیسوں جیڑھے ترقی دی دروک اچ پچھو رہ ڳین، ساہیوال دی ترقی کیتے اساں پورا پیکیج ڳھن تے آئے ہیں، وزیراعلیٰ پنجاب جیڑھا پیکیج ݙتے او زبردست اے، ایندے اچ عام آدمی دی لوڑھ دا خیال رکھیندے ہوئیں منصوبے بݨائے گئن، ساہیوال اچ سارے لوکاں کوں ساݙھے ست لکھ روپے تئیں دی ہیلتھ انشورنس ݙیوݨ دا اعلان کریندں۔
