سندھ اچ امن و امان تباہ تھی ڳئے ،  شاہراہواں تے چین لاتے لوکاں کوں لٹیا ویندا پئے ،وفاقی وزیر منصوبہ بندی و ترقی اسد عمر

سکھر۔1فروری  (اے پی پی):وفاقی وزیر منصوبہ بندی و ترقی اسد عمر آکھیے جو سندھ اچ امن و امان تباہ تھی ڳئے ، مین شاہراہواں تے چین لاتے لوکاں کوں لٹیا ویندا پئے ،وفاقی حکومت قدم چیندی اے تاں پیپلز پارٹی کوں 18 ویں ترمیم خطرے اچ نظر آندی اے ،  عوام دی جان اتے مال دا تحفظ حکومت دی ذمے واری اے ، سندھ دے عوام کوں ڈاکواں دے رحم و کرم تے نی چھوڑیا ونڄ سڳدا ، وفاق اپݨی ذمہ واری سمجھدے ۔ضرورت پئی تاں امن دی بحالی کیتے رینجرز دے ذریعے آپریشن کیتا ویسی ۔سندھ اچ گورنر راج نئیں لیندے پئے ایندے توں انڄ ٻئے وی آپشن ہن جنہاں کوں استعمال کیتا ونڄ سڳدے ۔