اسلام آباد۔1فروری (اے پی پی):وزیراعظم عمران خان کاشتکاراں دی سہولت کیتے بلوچستان اچ ٹیوب ویلاں کوں شمسی توانائی تے منتقل کرݨ دی منظوری ݙے ݙتی اے ۔ وزیراعظم میڈیا آفس توں جاری بیان موجب اے سنوارکوں وزیراعظم دی صدارت اچ اجلاس اچ منظوری ݙتی ڳئی اے ۔اجلاس اچ وزیراعلیٰ بلوچستان جام کمال خان، وفاقی و صوبائی وزرا اتے سینئر حکام شرکت کیتی۔ ٹیوب ویلاں کوں شمسی توانائی تے منتقل کرݨ نال جتھاں کساناں کوں بلاتعطل بجلی دی فراہمی ممکن تھیسی اتھاں بجلی دی مد اچ تھیوݨ آلے ضیان تے قابو پاوݨ اچ مدد مل ویسی ۔ وزیرِ اعظم عمران خان پاور ڈویژن تے صوبائی حکومت کوں ایں منصوبے تے عمل درآمد دے حوالے نال جامع پلان اتے حکمت عملی مرتب کرݨ تے منصوبہ دے حوالے نال ٹائم لائنز تے مبنی روڈمیپ وختی بݨاوݨ دی ہدایت کیتی ۔وزیراعظم آکھیے جو بلوچستان دے سماجی تے معاشی حالات کوں سامݨے رکھیندے ہوئے حکومت ولوں ٹیوب ویلاں دی مد اچ ارباں روپے دی سبسڈی ݙٰیوݨ دے باوجود وی جتھاں کسان مشکلات دا شکار ہن اتھاں گردشی قرضے مسلسل ودھدے ویندن ۔
