اسلام آباد۔8فروری (اے پی پی):وزیر خارجہ مخدوم شاہ محمود قریشی آکھیے جو ڈی جی آئی ایس پی آر دا بیان آئین اتے قانون دے عین مطابق اے،کجھ ٻاہرلیاں طاقتاں افغانستان دی سرزمین کوں استعمال کرتے پاکستان اچ دہشت گردی دی پشت پناہی کریندیاں پئن ۔ سنوار کوں پی ڈی ایم دی احتجاجی سیاست دے حوالے نال اہم بیان اچ وزیر خارجہ آکھیے جو ڈی جی آئی ایس پی آر دا بیان آئین اتے قانون دے عین مطابق اے،او واضح کر چکن جو پاک فوج اپݨا آئینی کردار ادا کریندی پئی اے ، او درست اکھیندے پئن جو انہاں دیاں ذمے واریاں اچ بے پناہ اضافہ تھی چکے ۔ انہاں آکھیے جو 14 نومبر 2020 کوں اساں دنیا دے سامݨے جیڑھا ڈوزئیر رکھیے ایندے اچ انہاں طاقتاں دے حوالے نال ناقابل تردید شواہد موجود ہن جیڑھے جو پاکستان کوں عدم استحکام توں ݙو چار کرݨ چاہندن ۔کجھ ٻاہرلیاں طاقتاں ایجھیاں ہن جیڑھیاں جو افغانستان دی سرزمین کوں استعمال کر تے پاکستان اچ دہشت گردی دی پشت پناہی کریندیاں پئن ۔وزیر خارجہ آکھیے جو اقوام متحدہ مانیٹرنگ ٹیم دی رپورٹ پاکستان دے موقف دی تائید کرݙتی اے ،ای یو ڈس انفولیب دی اڄوکی رپورٹ ہندوستان کوں پوری طرح نشابر کرݙتے ۔افغان امن عمل ھک نازک مرحلے اچ داخل تھی ڳئے۔
