جنوبی وزیرستان اچ چیک پوسٹ تے دہشت گرداں دا حملہ، پاک فوج دے4 جوان شہید، ، 4 دہشت گرد ماریے ڳئن ، آئی ایس پی آر

راولپنڈی۔12فروری  (اے پی پی):جنوبی وزیرستان اچ سکیورٹی فورسز دی چیک پوسٹ تے رات کوں دہشت گرداں حملہ کیتے، فائرنگ دے تبادلے اچ 4 دہشت گرد ماریے ڳئن جݙاں جو پاک فوج دے 4 جوان شہید تھی ڳئن ۔ آئی ایس پی آر موجب اے واقعہ جنوبی وزیرستان دے علاقے مکین اچ پیش آیا ۔ پاک فوج دے شہید تھیوݨ آلے نینگراں اچ لانس نائیک عمران علی، سپاہی عاطف جہانگیر، سپاہی انیس الرحمن اتے سپاہی عزیز شامل ہن۔ علاقے اچ کلیئرنس آپریشن جاری اے۔