اسلام آباد۔14فروری(اے پی پی) وزیراعظم عمران خان نال آرمی چیف جنرل قمر جاوید باجوہ وزیراعطم ہائوس اسلام آباد اچ ملین۔ انہاں قومی سلامتی و علاقائی صورتحال سودھا باہمی دلچسپی دے معاملیاں تے الایا۔ آرمی چیف سکیورٹی فورسز دی پیشہ وارانہ تیاریاں اتے دہشت گرد عناصر دے خلاف اقدامات دا ݙسایا۔ آرمی چیف آکھیا جو مسلح افواج ملک توں عسکریت پسنداں اتے شرپسنداں کوں مکاوݨ کیتے پرعزم ہین۔ وزیراعظم مادر وطن دے دفاع کیتے پاک فوج دے کردار دی تعریف کریندے دہشتگردی دے اڄوکے واقعیاں اچ جان ݙیوݨ آلے شہدا دی قربانی کون خراج عقیدت پیش کیتا۔ وزیراعظم آکھیا جو حکومت اتے پوری قوم دہشتگردی دے خلاف جنگ اچ اپݨیاں مسلھ افواج دے نال ہک مٹھ اے، دہشتگرداں دے مذݨوم مقاصد اصلوں کامیاب نہ تھیوݨ ݙتے ویسن۔
