اسلام آباد ۔18مارچ (اے پی پی):وفاقی وزیر اطلاعات و نشریات چوہدری فواد حسین آکھیے جو پارٹی چھوڑ ݙیوݨ تے ݙوجھی پارٹی اچ رلݨ کیتے قانون موجود اے، آرٹیکل 63 ون اے دے مطابق سپیکر کوں پارٹی سربراہ دے خط دے بعد رکن دا ووٹ شمار نہ تھیسی ۔ جمعے کوں آپݨے ھک بیان اچ چوہدری فواد حسین آکھیے جو ارکان خود آکھ ݙتے جو انہاں پارٹی چھوڑ ݙتی اے، انہاں ارکان دے خلاف کارروائی تھیسی تے انہاں دی نااہلی وی تاحیات ہوسی، وزیراعلی سندھ غریب عوام دے پیسے لوکاں دے ضمیرمل گھنݨ کیتے بھیجے، سندھ اچ پیوݨ دا صاف پاݨی کائنی ، صحت دے نظام دا برا حال اے اتے سندھ دے حکمران خریدوفروخت اچ لڳئے پئن ،حکومت کنے وسائل ہوندن ، ایں کیتے خریدوفروخت کرݨ سوکھا اے ۔ چوہدری فواد حسین آکھیے جݙاں بے نظیر بھٹو دے خلاف تحریک عدم اعتماد آئی تاں وسائل دا استعمال کر تے تحریک کوں ناکام بݨایا ڳیا ہئی ۔
