لاہور۔3اپریل(اے پی پی)پنجاب اسمبلی دا اجلاس ہنگامہ آرائی دے بعد 6 اپریل تئیں ملتوی کرݙتا ڳئے۔ اجلاس اچ ایوان اچ وݙی تعداد اچ ارکان موجود ہن جو ایوان اچ وزیراعلیٰ دا چݨائو تھیوݨا ہا۔ ایں سانڳے تحریک انصاف دے امیدوار چوہدری پرویز الہیی ڄݙاں جو اپوزیشن ولوں حمزہ شہباز ہن۔ عبد العلیم خان گروپ اتے جہانگیر ترین گروپ نویں وزیراعلیٰ پنجاب کیتے حمزہ شہباز دی حمایت کیتی ہوئی ہئی۔ ایں موقع تے اجلاس اچ ہنگامہ آرائی مچݨ تے دپٹی سپیکر اجلاس دی کارروائی 6 اپریل تئیں ملتوی کر ݙتی۔
