اسلام آباد۔11مئی (اے پی پی):وفاقی وزیر انسانی حقوق ریاض حسین پیرزادہ نال قومی کمیشن انسانی حقوق(این سی ایچ آر) دی چیئرپرسن رابعہ جویریہ آغا اتے قومی کمیشن حقوق اطفال (این سی آر سی) دی چیئرپرسن افشاں تحسین انڄھ انڄھ ملاقات کیتی ۔ وزارت انسانی حقوق توں جاری پریس ریلیز موجب ملاقات اچ انہاں وفاقی وزیر کوں ملک اچ انسانی حقوق دے تحفظ اتے ودھارے کیتے آپݨے آپݨے ادارے بارے اہم پروگرامز ، کامیابیاں اتے پیش آندے مسئلیں بارے ݙسایا۔
