اسلام آباد۔10جون(اے پی پی)وفاقی حکومت آندے مالی سال دے بجٹ23-2022 دے سرکاری شعبہ دے ترقیاتی پروگرام (پی ایس ڈی پی) دے تحت ریلوے ڈویژن دے 32 جاری منصوباں کیتے 266448.036 ملین روپے اتے چار نویں منصوباں کیتے 6 ہزار ملین روپے دی تجویز ݙتی اے۔ جاری منصوبیاں چائنہ اکنامک کوریڈور دے سپورٹ پراجیکٹ کیتے 50 ملین روپے، پاکستان ریلوے دا مختلف جامعات نال تعاون سانڳے 50 ملین روپے، کراچی سرکلر ریلویز اچ فلائی اوور اتے انڈر پاسز 50 ملین روپے، پاک افغان بارڈر تے نیو ٹریک دی تعمیر و اپ گریڈیشن 200 ملین روپے، نارووال، لاہور اتے کراچی اچ سٹاف کوارٹرز ٻݨاوݨ کیتے 50 ملین روپے، کراچی و سکھر اچ ٹریکس سیفٹی ورک منصوبہ 800 ملین روپے، مختلف ریلوے سٹیشنز تے سولر سسٹم لاوݨ کیتے 300 ملین روپے، سگنل ورکشاپ اچ مشینری لاوݨ کیتے 280 ملین روپے، ہائی کیپسٹی بوگیز اتے ویگنز ڳھنݨ کیتے 15974.500 ملین روپے، ڈیزل انجناں دی مرمت و بحالی کیتے 2300 ملین روپے اتے مسافر کوچز دی مرمت کیتے 930 ملین روپے رکھین۔ ریلوے ڈویژن دے نویں 4 منصوباں کیتے سی ڈی ڈبلیو پی کیتے 600 ملین روپے، حویلیاں تئیں ریلوے لائن دی اپ گریڈیشن و ڈرائی پورٹ سانڳے 5 ہزار ملین روپے، ایم بی ایف آر ایس منصوبہ کیتے 200 ملین روپے، کوٹری جامشور ریل لنک دی بحالی 200 ملین روپے رکھین۔ ریلوے ڈویژن دے جاری اتے نویں منصوبیاں کیتے آندے مالی بجٹ اچ 32648.036 ملین روپے رکھݨ دی تجویز اے۔
