اسلام آباد۔8جولائی (اے پی پی):وزیراعظم شہباز شریف دی حج اکبر دی سعادت حاصل کرݨ آلے حجاج سودھے پوری امت کوں مبارخ ݙتی اے تے آکھیے جو اللہ تعالی دی خاص عنایات دے ایں متبرک ݙینھ تے اللہ تعالی توں مغفرت و رحمت دیاں دعاواں کیتیاں ونڄن ۔وزیراعظم آفس دے پریس ونگ توں جاری بیان موجب وزیراعظم شہباز شریف آکھیے جو اڄ اللہ تعالی دے انوار وتجلیات دے نزول دا خاص بابرکت ݙینھ اے، جمعہ دے ݙینھ حج دی سعادت حاصل کرݨ آلے خوش نصیباں کوں امت مسلمہ تے انسانیت کیتے اڄ خصوصی دعاواں کرݨ دی اپیل کرینداں ، انہاں آکھیے رب کریم دے حضور عالم انسانیت تے ایں دے رحم، امت مسلمہ دے اتحاد، ترقی و خوشحالی، وبا تے مرض توں نجات دی دعا کریندوں ، اللہ تعالی توں مقبوضہ فلسطین تے کشمیر دی آزادی ، مظلوم انسانیت دے ݙکھ تے مصیبتاں توں نجات دی التجا کریندوں ۔
