اسلام آباد۔8جولائی (اے پی پی):صدرمملکت ڈاکٹر عارف علوی جاپان دے سابق وزیراعظم شنزو ایبے دے قتل تے ݙکھ تے افسوس کیتے ۔ صدر مملکت ھک ٹویٹ اچ آکھیے جو سابق جاپانی وزیراعظم دے خاندان تے جاپان دے عوام نال انتہائی قابل احترام شنزو ایبے دے افسوس انتقال تے اظہار تعزیت کرینداں ،انہاں آکھیے میں انہاں دے نال آپݨی ملاقات کوں ہمیشہ یاد رکھیساں ۔ صدر ڈاکٹر عارف علوی آکھیے جو سابق مقتول وزیراعظم ہمیشہ کھلدے رہیے تے پاکستانی عوام دے مخلص یار ہن ، انہاں دی موت واقعی ھک ٻہوں وݙا ضیان اے ۔ صدر مملکت ٹویٹ اچ سابق جاپانی وزیراعظم نال ملاقات دی تصویر وی لاتی اے ۔
