اسلام آباد۔11جولائی (اے پی پی):وفاقی وزیر اطلاعات و نشریات مریم اورنگزیب عمران خان کوں آئینہ ݙیکھݨ دا مشورہ ݙیندے ہوئیں آکھیے جو عمران صاحب پاکستان دی معاشی خود انحصاری دا تساکوں احساس ہونداں تاں شہباز شریف دی میثاق معیشت دی مثبت تجویز کوں تکبر نال نہ ٹھکریندے ۔ آپݨے ھک بیان اچ انہاں آکھیے جوچار سال اچ 70 سال توں ودھ 20 ہزار ارب روپے دا قرض گھنݨ آلا اڄ معیشت دا رووݨ نہ روندا ، عمران صاحب دے کوڑ سݨ تے ‘مسٹر فراڈئیے’ آلا کردار یاد آ ویندا۔ انہاں آکھیے وزیراعظم شہباز شریف دی قیادت اچ اتحادی حکومت پاکستان دی معاشی خودمختاری تے خود انحصاری کیتے سرگرم عمل اے۔ مریم اورنگزیب آکھیے عمران صاحب بھکاری تساں ہاوے جیں پاکستان کوں ملݨ آلیاں گھڑیاں تئیں کجھ کروڑ کماوݨ کیتے ویچ ݙتن ۔ عمران صاحب شرم تساکوں آوݨی چاہیدے اے جو سخت ترین شرائط تے آئی ایم ایف دا معاہدہ کیتا۔ وفاقی وزیر اطلاعات آکھیے وزیراعظم شہباز شریف دی قیادت اچ اتحادی حکومت عمران صاحب دی پاکستان کوں سری لنکا بݨاوݨ دیاں سازش ناکام بݨا ݙتی اے ۔ انہاں آکھیے عمران صاحب شرم تساکوں آوݨی چاہیدی اے جو تساں جو تساں آکھیا ہئی خود کشی کر گھنساں، آئی ایم ایف نہ ویساں ۔
