اسلام آباد۔11جولائی (اے پی پی) پاک فوج دے سربراہ جنرل قمر جاوید باجوہ دی ہدایات تے سارے کورہیڈکوارٹرزملک دے مختلف حصیں اچ مینھ ، لینڈ سلائیڈنگ اتے پاݨی دی نکاسی کیتے سول انتظامیہ دی بھرپور معاونت اچ مصروف عمل ہن ۔پورے ملک اچ اڄوکے مینھ توں سامݨے آوݨ آلی صورت حال بالخصوص ملک دیاں مختلف جاہواں اچ ودھ سارے مینھ وسݨ تے کئی جاہواں تے اربن فلڈنگ دی صورتحال نال نبݨݨ کیتے پاک فوج دے سارے کور ہیڈ کوارٹرز کوں خصوصی ہدایات جاری کیتیاں ڳئن جو مینھ وسݨ دی ہنگامی صورتحال نال نبݨݨ کیتے پوری تیار رکھن تے ریسکیو ریلیف اتے زیرِ آب علاقیں کوں کلئیر کرݨ کیتے انتظامیہ دی بھرپور مدد کیتی ونڄے ۔ کراچی اچ 388ڈی واٹرنگ ٹیمز مسلسل زیر آب علاقیں اچ ڈی واٹرنگ اچ مصروف ہن۔ پاکستان آرمی، پاکستان رینجرز سندھ، ایف ڈبلیو او اتے این ایل سی دیاں ٹیماں مسلسل انتظامیہ دی معاونت کریندیاں پئن ۔راولپنڈی/اسلام آباد ودھ توں ودھ مینھ 21ملی میٹر ریکارڈ کیتی ڳئی سارے دریاواں تے ندی نالیں اچ پاݨی دا وہݨ معمول دے مطابق اے۔راولپنڈی کور مسلسل صورتحال تے نظر رکھی ہوئی اے تے کہیں وی ہنگامی صورتحال نال نبݨݨ کیتے تیار اے۔ خیبر پختونخواہ اچ ٹانک اتے صوابی اچ فلیش فلڈنگ اے۔پشاور کور روڈ شندور چترال کوں ٹریفک کیتے کھولݨ اچ سول انتظامیہ دی مدد کیتی اے ۔ بلوچستان دے علاقےلسبیلہ اچ 400 لوکاں کوں سیلابی پاݨی توں ریسکیو کیتا ڳئے ۔ کوئٹہ کور ہر ضلع اچ ھک رابطہ افسر مقرر کیتے جیڑھا جو پی ڈی ایم اے اتے سول انتظامیہ نال آپریشن اچ مصروف عمل اے۔
