اسلام آباد۔15جولائی(اے پی پی)صدر مملکت ڈاکٹر عارف علوی وزیراعظم کوں ہک ٻیا خط لکھیے اتے آکھیے جو او ہراسانی و جسمانی تشدد دے واقعات روکݨ سانڳے صحافیاں اتے میڈیا پرسنز دا چنتا اتے شکایات مکاوݨ سانڳے متعلقہ وزارتاں و محکماں کوں اقدامات کرݨ دا آکھیے۔ صدر مملکت معروف اینکر پرسن ارشد شریف ولوں ملݨ آلا ہک خط وی نال لائے جیندے اچ انہاں کڄھ صحافیاں اتے مختلف ذرائع نال ملݨ آلیاں معلومات تے توجہ ݙیوائی ڳئی اے۔ صدر مملکت آکھیے جو ملک دا آئین ریاست کوں شہریاں کوں مناسب حقوق اتے تحفظ ݙیوݨ دا پابند ٻݨیدے، پاکستان ہمیشہ اینڄھی کوشش کیتی اے ٻھل صحافیاں اتے میڈیا پرسنز تے دباؤ قانون دے دائرے اچ رہندے ہوئے منصفانہ تنقید، اظہار رائے دی آزادی اتے ول آپ جمہوریت کیتے خطرے دا باعث اے۔
