اسلام آباد۔16جولائی (اے پی پی) آندے چووی گھنٹیاں اچ کراچی، حیدر آباد، ٹھٹہ، بدین، دادو، شہید بینظیر آباد، جا مشو رو، سکھر ، لاڑکانہ اتے جیکب آباد اچ نشیبی علاقے پاݨی تلوں آوݨ دا خطرہ اے اتے ڈیرہ غازی خان اتے بلوچستان دے مقامی اتے برساتی نالیاں اچ طغیانی دا خطرہ اے ۔ محکمہ موسمیات موجب اڄ اتوار کوں سندھ، بلوچستان اتے جنوبی پنجاب اچ کتھائیں کتھائیں ڳاڄ نال مینہ اتے شمال مشرقی تے وسطی پنجاب، بالائی خیبرپختونخوا، گلگت بلتستان ، کشمیر اتے اوندی پہاڑی علاقیاں اچ کجھ جہیں تے تکھی ہوائیں اتے ڳاڄ نال مینہ وسݨ دا امکان اے۔
