اسلام آباد۔16جولائی (اے پی پی) وفاقی وزیر خزانہ مفتاح اسماعیل آکھیا جو ملک کوں دیوالیہ تھیوݨ توں بچا تے معاشی استحکام دے رستے تے ٹور ݙتے۔ پی ٹی آئی دی پچھلی حکومت دی پوݨے چار سالیں دی ناقص کارکردگی پاروں ملک کوں مسئلیاں دا سامݨا اے، عمران خان آئی ایم ایف نال معاہدہ کر تے اونکوں تروڑیے، اساݙی حکومت خسارہ ڳھٹ کر تے ݙکھیسی، پنجاب دی حکومت سو یونٹ تئیں بجلی مفت کر ݙتی اے۔ اے ڳالھیں انہاں چھݨ چھݨ کوں وفاقی وزیر برائے اطلاعات ونشریات مریم اورنگزیب دے رلے پریس کانفرنس کریندیں ہوئیں آکھی۔ انہاں آکھیا جو پچھلی حکومت دے پوݨے چار سالیں دی ناقص کارکردگی پاروں ملک اچ عدم استحکام آئے، پی ٹی آئی دی حکومت آئی تاں ملک دیوالیہ تھیوݨ دے نیڑے ہئی۔ اتحادی حکومت دی کوششاں پاروں ملک معاشی استحکام آلے پاسے ٹر پئے۔ عمران حکومت پوݨے چار سالیں اچ 20 ہزار ارب روپے توں ودھ دا قرضہ ڳھدے۔ پی ٹی آئی آپݨی حکومت ویندی ݙیکھ کراہیں پٹرول تے سبسڈی ݙتی جئیں نال ملک دا ہر مہینے 120 ارب روپے دا ضیان تھیا۔
