افغانستان اچ انسانی بحران کوں روکݨ کیتے عالمی معاونت تےافغان عبوری حکومت نال زیادہ رابطے دی لوڑھ اے ،پاکستانی سفیرمنصور احمد خان

اسلام آباد۔18جولائی  (اے پی پی):افغانستان اچ پاکستان دے سفیر منصور احمد خان بین الاقوامی برادری تے زور ݙتے جو او افغان عبوری حکومت دے نال وسیع تر رابطے دے ذریعے اپݨی بھرپور معاونت کرے تاں جو وݙے پیمانے تے غربت و افلاس تے بدحالی پاروں گھمبیر تھیندے ہوئیں معاشی بحران دے خطرات توں بچیا ونڄ سڳے ،افغان عوام دی مشکلات گھٹ کرݨ کیتے 9 ارب ڈالر مالیت دے افغان غیرملکی زرمبادلہ ذخائر کوں غیر منجمد کرتے افغانستان دے حوالے کیتا ونڄݨا چاہیدے ، افغان عوام دے خلاف اقتصادی پابندیاں کوں بطور ہتھیار استعمال نی کیتا ونڄݨا چاہیدا ۔ ”اے پی پی” کوں خصوصی انٹرویو ݙیندے ہوئیں پاکستان دے سفیرمنصور احمد خان جنگ توں تباہ حال ملک تے گزریل 15 اگست کوں طالبان دے کنٹرول سنبھالݨ دے بعد توں امریکا  دے مختلف مالیاتی اداریں اچ رکھیے ڳئے 7ارب ڈالرز سودھے 9ارب ڈالرز مالیت دے افغان زرمبادلہ ذخیرے کوں غیر منجمد کرݨ تے مسلسل مالی امداد کوں غریب افغان عوام دی مشکلات گھٹ کرݨ کیتے اشد ضروری عوامل قرارݙتا۔انہاں آکھیے اے مر اہم اے جو افغان عوام دے خلاف اقتصادی پابندیاں دے ہتھیار کوں استعمال نی کیتا ونڄݨا چاہیدا ۔ افغان غیرملکی زرمبادلہ ذخائر کوں افغانستان دے حوالے کیتا ونڄݨا چاہیدے تاں جو انہاں کوں عوام دے مفاد اچ انہاں دی فلاح و بہبود تے خرچ کیتا ونڄ سڳے ۔ انہاں آکھیے جوعالمی برادری دے زیادہ رابطے تے وسیع تر شراکت داری افغانستان اچ پائیدار امن تے استحکام کیتے ٻہوں ضروری اے ۔