ݙوہزار30ء تئیں پاکستان دی آبادی 285  ملین تئیں پڄ سڳدی اے ،وفاقی وزیر صحت قادر پٹیل دا عالمی یوم آبادی دے حوالے نال سیمینار توں خطاب

اسلام آباد۔18جولائی  (اے پی پی):وفاقی وزیر صحت قادر پٹیل آکھیے جو 2030ء تئیں پاکستان دی آبادی 285  ملین تئیں ونڄ سڳدی اے ، فیملی پلاننگ، پولیو یا کووڈ کوئی وی مسئلہ ہووے ساریں اچ دین دی طرفوں آگاہی ملدی اے ۔ اے ڳالھ انہاں عالمی یوم آبادی دے حوالے نال سیمینار توں خطاب کریندے ہوئیں آکھی اے ، انہاں آکھیے جو خاندانی منصوبہ بندی کوں ایں زاویے توں نہ ݙٹھا ونڄے جو ایندا مطلب ٻال نہ پیدا کرݨا اے، ایویں ہرگز کائنی ، خاندانی منصوبہ بندی دا مطلب ما تے ٻال دی صحت،ٻال دی تعلیم و تربیت، ملک دی آبادی تے کنٹرول اے، جݙاں ما اپݨے ٻال کوں ݙو سال تئیں کھیر پلیندی اے تاں ٻالاں پیدائش اچ وقفہ تھی ویندے تے ما دا کھیر ٻال کیتے بہترین تے مکمل غذا اے ۔ انہاں آکھیے اے معاملہ ھک ملک دا کائنی ۔ انہاں آکھیے جو میں اڄ دے ݙینھ شہید قائد بے نظیر کوں یاد کریساں ، انہاں اپݨا وژن پیش کیتا ہئی ۔ انہاں آکھیے ہرما پڑھی لکھی ہوسی تاں ہر ٻال پڑھیا لکھیا ہوسی ۔ انہاں آکھیے جو 2030 ء تئیں پاکستان دی آبادی 285  ملین تئیں ونڄ سڳدی اے اے ھک الارمنگ صورتحال اے۔ انہاں آکھیے فیملی پلاننگ، پولیو یا کووڈ کوئی وی مسئلہ ہووے ساریں اچ دی دے پاسے آگاہی ملدی اے۔