اسلام آباد۔21جولائی(اے پی پی)وزیر اعظم شہبازشریف دی اڳواݨی اچ تھیوݨ آلے وفاقی کابینہ دے اجلاس پولیس سروس آف پاکستان دے ریٹائرڈ آفیسر آفتاب سلطان دی بطور چیئرمین قومی احتساب بیورو تعیناتی اتے افغان ٹرانزٹ ٹریڈ کیتے ملٹی ماڈل ایئر روڈ کوریڈور دی وی منظوری ݙتی ڄݙاں جو یوریا دی فی ٹن درآمد 100 ڈالر اتے کݨک دی 36 ڈالر فی ٹن ڳھٹ مل تے ٹینڈر تیکھے نمٹاوݨ تے متعلقہ وزارتاں دی تعریف کیتی۔ وفاقی وزیر خزانہ مفتاح اسماعیل اجلاس اچ امریکی ڈالرز دے ریٹ اچ ودھارے بارے بریفنگ ݙتی اتے آکھیا جو ݙالر دا ملھ ڳھٹاوݨ اتے روپیہ تکڑا کرݨ کیتے ودھ اقدامات کیتے ویندے پن، آندے مہینے روپے دی قیمت اچ بہتری آ ویسی ڄݙاں جو ایں سال پچھلے سال دے مقابلے ملک اچ اقتصادی ترقی دی شرح چنڳی راہسی جو اڄوکی حکومت پیداواری شعبے بشمول زراعت دے شعبے کوں تاریخی ٹیکس مراعات ݙتن، ایں سانڳے صنعتی پیداوار ودھسی اتے زراعت ترقی کریسی، انہاں اقدامات نال مقامی پیداوار پاروں در آمدات اچ کمی، روزگار اتے برآمدات ودھݨ اچ وی ودھارا متوقع اے۔ کابینہ پولیس سروس آف پاکستان دے ریٹائرڈ آفیسر آفتاب سلطان کوں چیئرمین قومی احتساب بیورو دا چیئرمین لاوݨ دی منظوری ݙتی۔
