اسلام آباد۔23جولائی (اے پی پی) وفاقی وزیر اطلاعات و نشریات مریم اورنگزیب آکھیا جو چوہدری شجاعت آپݨے ممبراں کوں اوہی ہدایت ݙتن جیڑھی عمران خان جاری کیتی ہن۔ عمران خان دھونس دھمکی اتے مندے نال آئین اتے قانون نی بدلیا ونڄ سڳدا، رولنگ عمران خان دے حق اچ آوے تاں آئینی اتے حمزہ شہباز دے حق اچ ہووے تاں غیر آئینی۔ عمران خان دا کور، فساد اتے منافقت ملک کوں ناقابل تلافی نقصان ݙیندی پئی اے۔ ہفتے کوں پی ٹی آئی رہنما فواد چوہدری دے بیان دے ولدے اچ انہاں آکھیا جو ملک چار سال ترقی نی بلکہ ملک دا دیوالیہ تھیندا پیا ہئی، ملک کوں چار سال لٹیا ویندا رہیے۔ عوام دے روزگار تے ڈاکہ ماریا ڳئے۔ ملک اچ معاشی تباہی تھیندی پئی ہئی۔ انہاں آکھیا جو چوہدری شجاعت آپݨے ممبراں کوں اوہی ہدایت ݙتن جیڑھی عمران خان جاری کیتی ہن۔
