لالہ موسیٰ۔24جولائی (اے پی پی) وزیر اعظم دے مشیر امور کشمیر تے گلگت بلتستان قمر زمان کائرہ آکھیا جو مسلم لیگ (ق) دے ارکان پارٹی ڈائریکشن دے خلاف ووٹ پاتے۔ آݙت وار کوں پریس کانفرنس توں خطاب کریندیں ہوئیں انہاں آکھیا جو الیکشن توں پہلے پی ٹی آئی آلےا لزام لیندے پئے ہن جو ووٹ ڳھدے ویندے پئن۔ انہاں آکھیا جو حکمران اتحاد وزیراعلیٰ پنجاب دے الیکشن بارے کیس کیتے فل کورٹ ٻݨاوݨ دا مطالبہ کیتے۔ قمر زمان کائرہ آکھیا جو ٹرسٹی وزیراعلیٰ دی آئین اچ کوئی گنجائش کائنی۔ پر عدالتی فیصلے دا احترام کریندوں۔ انہاں ٻیا آکھیا جو پارلیمانی پارٹی دا مینڈیٹ نی ہوندا۔ مینڈیٹ قیادت دا ہوندے۔ انہاں آکھیا جو عدالت دے فیصلے دی بنیاد تے مسلم لیگ (ق) دے ووٹ مسترد تھیے۔ انہاں آکھیا جو وزیراعلیٰ پنجاب دے چݨاؤ بارے سپریم کورٹ دے بنچ تے اتحادی جماعتاں دے تحفظات ہن۔ انہاں آکھیا جو ایں ابرے فل کورٹ ٻݨاوݨ تے عدالت کوں کوئی اعتراض نی ہووݨا چاہیدا۔
