اسلام آباد۔2اگست (اے پی پی) وزیر دفاع خواجہ محمد آصف آکھیا جو پی ٹی آئی کوں فارن فنڈنگ ݙیوݨ آلیاں اچ بھارت، اسرائیل، امریکہ سودھے ٻئے ملک شامل ہن، ݙوجھیاں کوں امپورٹڈ آکھݨ آلا خود ٻاہرلے ملکوں فنڈز ڳھندا رہیے۔ ݙوجھیاں تے فتوے لاوݨ آلے کوڑے حلف نامے جمع کرائے۔ اے ڳالھیں انہاں منگل کوں وفاقی وزیر سردار ایاز صادق دے رلے پریس کانفرنس کریندیں ہوئیں آکھی۔ انہاں آکھیا جوآرمی ہیلی کاپٹر حادثے آچ پاک فوج دے افسراں اتے نینگراں دی قیمتی جاناں دے ضیان تے افسوس تھیے۔ اللہ تعالیٰ شہدیاں دے درجات بلند فرماوے۔ لواحقین دے ݙکھ اچ برابر دے شریک ہیسے۔ انہاں آکھیا جو الیکشن کمیشن دے فیصضے اچ آکھیا ڳئے جو پی ٹی آئی کوں فارن فنڈنگ ݙیوݨ آلیاں اچ بھارت، اسرائیل، امریکہ سودھے ٻئے ملک شامل ہن، ݙوجھیاں کوں امپورٹڈ آکھݨ آلا خود ٻاہرلے ملکوں فنڈز ڳھندا رہیے۔ وفاقی وزیر آکھیا جو اڄوکے شفاف ضمنی الیکشن دے باوجود الیکشن کمشنر تے الزام لاتن۔ عمران خان پہلے خود چیف الیکشن کمشنر دی تعریف کریندے ہن۔
