اسلام آباد۔3اگست (اے پی پی) وفاقی وزیرریلوے تے ہوابازی خواجہ سعد رفیق آکھیا جو ممنوعہ فنڈنگ ثابت تھیوݨ دے بعد ہݨ قانون تے آئین دے مطابق کاروائی کیتے مشورہ تھیندا پئے، ہیلی کاپٹر حادثے اچ فوجی افسراں دی شہادت المیہ اے۔ بدھ کوں پریس انفارمیشن ڈیپارٹمنٹ اچ پریس کانفرنس توں خطاب کریندیں ہوئیں خواجہ سعد رفیق آکھیا جو بلوچستان اچ فلڈ ریلیف اچ مصروف فوجی افسران دی شہادت ہک المیہ اے۔ پاک فوج دے نینگراں ہمیشہ دفاع پاکستان اتے ناگہانی آفات اچ آپݨی جان تلی تے رکھ تے لوکاں دی مدد کیتی اے۔ کورکمانڈر کوئٹہ اتے ٻئے افسراں دی شہادت ٻہوں وݙا سانحہ اے، شہداء زندہ ہن۔ اللہ انہاں دے درجات بلند کرے اتے انہاں دے ٹٻراں کوں صٻر ݙیوے۔ انہاں آکھیا جو ممنوعہ فنڈنگ ثابت تھیوݨ دے بعد ہݨ قانون تے آئین دے مطابق کاروائی کیتے مشورہ تھیندا پئے۔
