اسلام آباد۔5اگست (اے پی پی) وزیراعظم شہباز شریف آکھیا جو وفاق اتے صوبے رَل تے سیلاب دی صورتحال نال نبڑسن، چھیکڑی گھر دے آباد تھیوݨ تئیں چین نال کائنا ٻہسوں۔ حقدار کوں انہاں دےگھر تئیں انہاں دا حق پڄیسوں۔ اے سیاست نی خدمت دا ویلھا اے۔ اساݙے اخلاص اچ نہ پہلے کوئی ڳھٹکی ہئی اتے نہ ہݨ اے۔ اے ڳالھیں انہاں جمعے کوں ڈیرہ غازی خان دے سیلاب توں متاثرہ …
وفاق اتے صوبے رَل تے سیلاب دی صورتحال نال نبڑسن، چھیکڑی گھر دے آباد تھیوݨ تئیں چین نال کائنا ٻہسوں، وزیراعظم شہباز شریف
مزید خبراں
اسلام آباد۔5اگست (اے پی پی) وزیراعظم شہباز شریف آکھیا جو وفاق اتے صوبے رَل تے سیلاب دی صورتحال نال نبڑسن، چھیکڑی گھر دے آباد تھیوݨ تئیں چین نال کائنا ٻہسوں۔ حقدار کوں انہاں دےگھر تئیں انہاں دا حق پڄیسوں۔ اے سیاست نی خدمت دا ویلھا اے۔ اساݙے اخلاص اچ نہ پہلے کوئی ڳھٹکی ہئی اتے نہ ہݨ اے۔ اے ڳالھیں انہاں جمعے کوں ڈیرہ غازی خان دے سیلاب توں متاثرہ علاقیاں دے دورے اچ کوٹ چٹھہ اچ خطاب کریندیں ہوئیں آکھی۔ ایں موقع تے وفاقی وزیر اطلاعات ونشریات مریم اورنگزیب،وزیراعظم دے معاون خصوصی عطا تارڑ اتے بئے موجود ہن۔ وزیراعظم آکھیا جو سیلاب نال ٻہوں ودھ جانی تے مالی ضیان تھیے۔ وزیراعظم یاد ݙوایا جو 2019 اچ اڄ دے ݙینھ بھارت اچ مودی سرکاری ہک پاسہ غیر قانونی اقدامات کریندیں ہوئیں مقبوضہ کشمیر اچ بربریت اتے ظلم تے زیادتی دا بازار گرم کیتا اتے کشمیریاں کوں جیڑھے تھوڑے ٻہوں قانونی حق ہن انہاں کوں پامال کر ݙتا۔ اڄ نہ صرف پوری پاکستانی قوم بلکہ سارے عالم اسلام کشمیر دے انہاں عظیم سپوتاں اتے غازیاں کوں سلام پیش کریندے ۔ وزیراعظم آکھیا جو انسانی جان دی کوئی قیمت کائنی اتے انہاں دے نقصآن دا ازالہ ممکن کائنی۔ وفاقی حکومت جاں بحق تھیوݨ آلیاں دے لواحقین کوں ݙاہ لکھ روپے فی بندہ ݙیسی اتے زخمیاں کیتے اݙھائی لکھ روپے ݙتے ویسن۔ کچے اتے پکے دی تفریق کوں مُکا تے مکمل تباہ تھیوݨ آلے گھر دا پنڄ لکھ روپے اتے جزوی تباہ تھیوݨ آلے گھر کیتے اݙھائی لکھ روپے ݙتے ویسن۔
