صدر مملکت دا ہیلی کاپٹر حادثہ اچ شہید پاک فوج دے افسران و جواناں دے ٹبراں کوں فون، پرچاوݨی ݙتی، قربانیاں کوں خراج تحسین

اسلام آباد۔6اگست(اے پی پی)صدر مملکت ڈاکٹر عارف علوی لسبیلہ اچ پاک فوج دے ہیلی کاپٹر دے حادثے اچ شہید تھیوݨ آلے افسراں اتےجواناں دے ٹبراں کوں ٹیلیفون کیتے اتے پرچاوݨی ݙیندے ہوئے مادر وطن کیتے قربانیاں کوں خراج تحسین پیش کیتے۔ صدر مملکت آکھیے جو قربانی پاکستان اچ نویکلے احساس دا جذبہ اے، شہیداں دی یاد اتے  قربانی دی بے حرمتی کیویں کیتی ونڄ سڳدی اے، پوری قوم آلی کار میں وی ہمیشہ شہداء تے ماݨ کیتے، شہیداں دے سیکڑاں ٹبراں نال ملیاں، پرچاوݨی ݙتی اتے کئی دے جنازے وی ٻھڳتائن۔ انہاں کور کمانڈر کوئٹہ لیفٹیننٹ جنرل سرفراز علی شہید دے پتر کیپٹن احمد علی کوں پرچاوݨی ݙتی اتے آکھیا جو سچے، دلیر، ہنرمند اتے رہنما افسر دے طور تے اینجھیاں قربانیاں پاروں اڄ پاکستان تکرا کھرے۔ صدر  عارف علوی بریگیڈیئر خالد شہید دے پتر سعد نال ٹیلیفون تے افسوس کیتے جو ساکوں وطن دے بہادر پتراں تے ماݨ اے۔ انہاں بریگیڈیئر امجد حنیف شہید دے بھرا میجر اسد، پاک فوج دے جوان نائیک مدثر فیاض شہیددے ٹٻر کوں وی پرچاوݨی ݙتی۔ معاون پائلٹ میجر طلحہ منان شہید دے ݙو چھوٹے ٻالاں نال الیندے صدرمملکت دعا کیتی جو او وی وݙے تھی تے اپݨے پیو دی قربانی تے ماݨ کریسن۔ ڈاکٹر عارف علوی میجر سعید احمد شہید دے بھرا سکواڈرن لیڈر امیر علی نال الیندے میجر سعید احمد شہید کوں ہک بہترین پائلٹ قرار ݙتے جو شہداء دے اہل خانہ نال الاوݨ دا مقصد ملک کیتے انہاں دی قربانیاں کوں منݨ اے جو اللہ شہیداں کوں جنت اچ ڄاہ ݙیوے اتے انہاں دے ٹٻراں کوں صبر آوے۔