وزیراعلیٰ پنجاب پرویز الٰہی نال سیکرٹری جنرل وفاق المدارس العربیہ مولانا حنیف جالندھری دی ملاقات

لاہور۔7اگست(اے پی پی)وزیراعلیٰ پنجاب چودھری پرویز الٰہی نال سیکرٹری جنرل وفاق المدارس العربیہ پاکستان مولانا محمد حنیف جالندھری ملین۔ انہاں صوبے اچ امن و امان سانڳے حکومت نال تعاون تے علمائے کرام دے کردار دی تعریف کیتی۔ مولانا محمد حنیف جالندھری نکاح نامے اچ ختم نبوتؐ دے حلف نامے دی شق رلاوݨ تے چودھری پرویزالٰہی دے مثالی اقدام دی تعریف کیتی جو اے دینی خدمت دا اقدام ہمیشہ یاد رکھیا ویسی، ایندے نال مذہبی رواداری اتے ہم آہنگی دے ودھارے سانڳے راہ نکلسی۔ وزیراعلی پنجاب چودھری پرویزالہی اکھیا جو نکاح رجسٹرار کوں ختم نبوت ﷺ دے حلف نامے آلے فارم ݙیوݨ کیتے متعلقہ محکمے کوں ہدایات ݙے ݙتن، نویں فارم نہ ݙیوݨ آلیاں دے خلاف سخت کارروائی کیتی ویسی اتے ایندے تے نکاح رجسٹرار کوں ہک مہینے قید اتے جرمانے دی سزا تھی سڳدی اے۔ انہاں محرم دے جلوساں سانڳے سیکیورٹی اتے امن دے اقدامات تے وی الایا۔ ملاقات اچ حافظ عمار یاسر اتے رمیش خان وی موجود ہن۔