پاکستان بھارت دے 5 اگست 2019 دے اقدام دے خلاف او آئی سی دے بیان تے بھارتی تبصرہ مسترد کرݙتے

اسلام آباد۔7اگست(اے پی پی) پاکستان بھارت دے 5 اگست 2019 دے اقدام دے خلاف او آئی سی دے بیان تے بھارتی تبصرہ مسترد کرݙتے اتے آکھیے جو ہندوتوا دے رستے تے ٹردی حکومت ولوں ٻنھاں تے تعصب یا فرقہ وارانہ ایجنڈا دا الزام لاوں حیران کن اے، جموں کشمیر نہ کݙاہیں ہندوستان دا حصہ ھا اتے نا ہوسی، اے پاکستان اتے باھرت وچال ہک بین الاقوامی منیا ڳیا متنازعہ علاقہ اے۔ ترجمان دفتر خارجہ آکھیے جو پاکستان بھارتی اقدامات تے اسلامی تعاون تنظیم دے بیان تے ہندوستانی وزارت خارجہ دے ترجمان دی تنقید کوں مضحکہ خیز اتے کوڑے دعویٰ کوں مسترد کرݙتے۔ انسانی حقوق دی خلاف ورزیاں کرآ آلے اتے ریاستی دہشت  گردی کوں ودھارا ݙیوݨ آلے ولوں ایں بے باکی نال ٻنھاں تے انگلیاں چاوݨ خوفناک اے۔