صدر مملکت ڈاکٹر عارف علوی دی کامن ویلتھ گیمز اچ گولڈ میڈل گھنݨ تے ارشد ندیم کوں مبارخ

اسلام آباد۔8اگست  (اے پی پی):صدر پاکستان ڈاکٹر عارف علوی کامن ویلتھ گیمز اچ گولڈ میڈل گھنݨ تے ارشد ندیم کوں مبارخ ݙتی اے ۔ سنوار کوں آپݨے ٹویٹ اچ صدر مملکت  ارشد ندیم کوں مبارخ ݙیندے ہوئیں آکھیے جو انہاں پاکستان اتے  پاکستانی قوم دا سر فخر نال اچا کرݙتے ۔ صدر مملکت آکھیے جیولن تھرو مقابلے اچ پاکستانی کھلاڑی ارشد ندیم آپݨا پہلا گولڈ میڈل ڳھدے ،جیں تے انہاں کوں مبارخ ݙیندوں ،جیولن تھرو اچ تاریخ رقم کریندے ہوئیں گولڈ میڈل گھنݨ تے ارشد ندیم مبارخ دے مستحق ہن ۔قوم کوں تساں تے فخر اے ۔