کمانڈر  12کور لیفٹیننٹ جنرل آصف غفور اتے مشیر داخلہ بلوچستان دا کمانڈ اینڈ کنٹرول سنٹر دا دورہ

کوئٹہ۔9اگست(اے پی پی)کمانڈر 12 کور لیفٹیننٹ جنرل آصف غفور اتے صوبائی مشیر داخلہ بلوچستان سنٹرل پولیس آفس اچ ٻݨیے کمانڈ اینڈ کنٹرول سنٹر  دا دوریہ کتیے اتے اتھاں ݙاہویں محرم الحرام کیتے سکیورٹی انتظامات ݙٹھن۔ آئی جی پولیس عبدالخالق شیخ، ائی جی ایف سی بلوچستان (نارتھ)، انسپکٹر جنرل پولیس اتے ٻئے دیگر حکام وی انہاں دے نال ہن۔ کور کمانڈر کوں پولیس محرم الحرام کیتے سکیورٹی انتظامات تے تفصیلی بریفنگ ݙتی جو ایں سانگے صوبے اچ 20 ہزار توں ودھ پولیس اہلکار لائے گن، لوڑھ پئی تاں پاک فوج  اتے ایف سی دی وی مدد ڳھدی ویسی، صوبے اچ حساس اضلاع اچ سخت سیکیورٹی اے، محرم دے جلوساں، روٹس دے نال دے علاقیاں دی ہر سطح تے مانیٹرنگ تھیندی پئی اے، ایں سانڳے صوبائی سطح تے مرکزی کنٹرول روم، ڈویژنل و اضلاع اچ کمانڈ اینڈ کنٹرول رومز ہین۔ کمانڈر 12 کور اتے صوبائی مشیر داخلہ میر ضیاء سیکیورٹی انتظامات تے اطمینان کریندے متعلقی اداریاں دی تعریف کیتی۔