آرمی چیف جنرل قمر جاوید اتے بل گیٹس وچال رابطہ، صاحت عامہ سانڳے تعاون تے الایا

راولپنڈی۔9اگست(اے پی پی)پاک فوج دے شعبہ تعلقات عامہ ݙسائے جو آرمی چیف جنرل قمر جاوید باجوہ اتے بل اینڈ میلنڈا گیٹس فاؤنڈیشن دے اڳواݨ اتے شریک چیئرمین بل گیٹس دا ٹیلی فونک رابطہ تھئے جیندے اچ انہاں صحت عامہ خاص کر پولیو مکاؤم سانقے کوششاں تے الایا۔ آرمی چیف پولیو توں پاک پاکستان دا عزم دوہریندے باہمی کوششاں تے اتفاق کیتے۔ انہاں پولیو مکاوݨ سانڳے باہمی تعاون اتے پاکستان دے اقدامات تے وی ڳالھ مہاڑ کیتی۔ بل گیٹس قومی پولیو مہم دی حمایت اتے پولیو مہم دی ہر سطح تے رہنمائی کیتے پاک فوج دی تعریہف کیتی۔ آرمی چیف پولیو مکاوݨ سانڳے پاکستان دا ہتھ ونݙاوݨ تے بل گیٹس فاؤنڈیشن دا شکریہ ادا کیتے۔