صوبہ پنجاب اچ قومی و صوبائی اسمبلی دیاں سیٹاں تے ضمنی انتخابات دیاں مختلف سرگرمیاں جاری

لاہور۔10اگست (اے پی پی):صوبہ پنجاب اچ قومی و صوبائی اسمبلی دیاں سیٹاں تے تھیوݨ آلے ضمنی انتخابات دے سلسلے اچ مختلف سرگرمیاں جاری ہن۔  ترجمان  صوبائی الیکشن کمیشن پنجاب موجب صوبہ پنجاب دے حلقہ این اے157ملتان، پی پی 139شیخوپورہ اتے  پی پی 241بہاولنگر اچ قومی و صوبائی اسمبلی دیاں سیٹاں تے تھیوݨ آلے ضمنی انتخابات دے سلسلے اچ کاغذات نامزدگی دی جانچ پڑتال دا عمل جاری اے جیڑھا جو 11اگست تئیں جاری رہ ویسی ۔ حلقہ این اے157ملتان، پی پی 139شیخوپورہ اتے پی پی 241بہاولنگر اچ پولنگ 11ستمبر کوں تھیسی ۔این اے 108فیصل آباد اتے  این اے 118ننکانہ صاحب اچ کاغذات نامزدگی جمع کراوݨ دا سلسلہ اڄ توں شروع اے کا غذات نامزدگی جمع کراوݨ دی آخری تاریخ 13اگست اے۔این اے 108فیصل آباد اتے  این اے 118ننکانہ صاحب اچ پولنگ 25ستمبر کوں تھیسی جݙاں جو  پی پی 209خانیوال اچ پولنگ 2اکتوبر کوں تھیسی ، ایں حوالے نال ریٹرننگ آفیسر دی طرفوں کل پبلک نوٹس جاری کیتا ویسی ۔