پاکستان بغیر کہیں ذات پات، رنگ تے نسل اتے مذہب دے فرق دے اساں ساریاں دا اے، رَل تے ایندی ترقی اتے خوشحالی کیتے جدوجہد کرݨٰی پوسی، وزیر اعظم محمد شہباز شریف دا اقلیتاں دے قومی ݙینھ تے سنیھا

اسلام آباد۔11اگست  (اے پی پی) وزیراعظم محمد شہبازشریف آکھیا جو پاکستان بغیر کہیں ذات پات، رنگ تے نسل اتے مذہب دے فرق دے اساں ساریاں دا اے، رَل تے ایندی ترقی اتے خوشحالی کیتے جدوجہد کرݨٰی پوسی۔ اے ڳالھیں انہاں اقلیتاں دے قومی ݙینھ تے آپݨے سنیھے اچ آکھی۔  انہاں آکھیا جو ہر سال پاکستان دی تعمیر تے ترقی اچ اقلیتاں دے کلیدی کردار کوں خراج تحسین پیش کرݨ، انہاں دے اساݙی عظیم قوم دا لازم حصہ ہووݨ اتے مذہبی اقلیتاں دے احترام دے عزم دا اعادہ کرݨ کیتے 11 اگست کوں قومی اقلیتی ݙینھ دے طور منایا ویندے۔ انہاں آکھیا جو اسلام امن اتے رواداری دا مذہب اے، قرآن پاک دے مطابق دین دے معاملے اچ کوئی جبر کائنی، اے قرآنی حکم سنت نبوی نال رَل تے ایں اصول دی بنیاد فراہم کریندے جو قائد اعظم محمد علی جناح 11 اگست 1948 کوں قوم نال آپݨے خطاب اچ بیان کیتا ہئی۔ پاکستان بغیر کہیں ذات پات، رنگ تے نسل اتے مذہب دے فرق دے اساں ساریاں دا اے، رَل تے ایندی ترقی اتے خوشحالی کیتے جدوجہد کرݨٰی پوسی۔